月光光 秀才郎
騎白馬 過南塘
南塘袂得過 掠貓仔來接貨
接貨接袂著 攑竹篙挵鴟鴞
鴟鴞噗噗飛 攑竹篙挵茶鍋
茶鍋沖沖滾 走去偷遏筍
遏幾枝 遏兩枝
一枝送秀才 一枝送先生
新娘新娘媠噹噹
褲底破一空
頭前開天窗
後壁磅米芳
媠查某
嫁後埔
後埔庄
點火燒尻川
阮兄胸前結繡球
繡球伴牡丹
牡丹伴石榴
石榴開花就向東
食爸食母毋成人
食兄兄受氣
食嫂嫂唸疑
食泔糜仔你就綴人去
樹頂一隻猴
樹跤一隻狗
猴跋落來挵著狗
猴走狗也走
毋知是猴驚狗
抑是狗驚猴
初一早 初二早 初三睏甲飽
初四接神 初五隔開 初六舀肥
初七七元 初八完全 初九天公生
初十有食食
十一請囝婿
十二查某囝轉來拜
十三食泔糜仔配芥菜
十四搭燈棚
十五上元瞑
刺查某
刺耙耙
點火燒大伯
大伯走上山
點火燒大官
一年仔一年仔悾悾 二年仔二年仔戇戇
三年仔吐劍光 四年仔愛膨風
五年仔上帝公 六年仔閻羅王
一鼠賊仔名 二牛駛犁兄
三虎山崎 四兔遊京城
五龍皇帝命 六蛇予人驚
七馬跑兵營 八羊食草嶺
九猴樹頭 十雞啼三聲
十一狗吠火車 十二豬是菜刀命
 |
| 亂碼部分請參考本圖 |
貧惰仙 貧惰仙
身軀無洗全全鉎
走去溪仔邊洗三遍
毒死湖仔魚幾若圈
ABC狗咬豬
阿公仔坐飛機
跋一下冷吱吱
叫醫生來共醫
醫一下跤骨大細肢
一兩三四
驚著無代誌
土地公來保庇
保庇你細漢好育飼
保庇你大漢會順序
阮就是排骨仔隊
恁嘛是排骨仔隊
胸坎若樓梯
腹肚若水櫃
雙肢手金光槌
雙肢跤草蜢腿
人人叫阮是排骨仔隊
秀才秀才騎馬浪浪來
佇馬頂跋落來
跋一下真厲害
喙齒疼 糊下頦
目睭疼 糊目眉
腹肚疼 糊肚臍
嘿 真厲害
火金蛄 來食茶
茶燒燒 食弓蕉
弓蕉冷冷 食龍眼
龍眼無肉 食雞肉
雞肉油油 食豆油
豆油鹹鹹 食李仔鹹
李仔鹹酸酸 食尻川
尻川臭臭 食一下死翹翹
羞羞羞羞羞
捾籃仔抾鰗鰡
羞羞羞羞羞
捾籃仔抾鰗鰡
攏總抾幾尾
哎喲 攏總抾兩尾
一尾煮來食
一尾糊目睭
羞羞羞羞羞
嬰仔嚶嚶睏
一暝大一寸
嬰仔嚶嚶惜
一暝大一尺
搖囝日落山
抱囝金金看
你是我心肝
驚你受風寒
白翎鷥 車畚箕
車到溪仔墘
跋一倒 抾著兩仙錢
一仙買餅送大姨
一仙儉起來好過年
天烏烏 欲落雨
阿公仔夯鋤頭欲掘芋
掘啊掘 掘啊掘 掘著一尾旋鰡鼓
咿呀嘿哆真正趣味
阿公仔欲煮鹹 阿媽欲煮汫
兩个相拍挵破鼎 挵破鼎
咿呀嘿哆真正趣味
阿公仔欲煮鹹 阿媽欲煮汫
阿公仔欲煮鹹 阿媽欲煮汫
兩个相拍挵破鼎 挵破鼎
咿呀嘿哆 挵當叱當唱
哇哈哈 哇哈哈
火車行到咿哆
啊嘛咿哆丟
哎喲磅空內
磅空的水咿哆
丟丟銅仔咿哆
啊嘛咿哆 丟啊咿哆
滴落來
打馬膠
黏著跤
叫阿爸
買豬跤
豬跤箍仔𤉙爛爛
枵鬼囡仔流喙瀾
西北雨 直直落
鯽仔魚 欲娶某
鮕鮘兄 拍鑼鼓
媒人婆 塗虱嫂
日頭暗 揣無路
趕緊來 火金蛄
做好心 來照路
西北雨 直直落
一的炒米芳 二的炒韭菜
三的沖沖滾 四的炒米粉
五的五將軍 六的六囝孫
七的七蝦米 八的縖肚綰
九的倒咧躽 十的徛起來看
拍你千拍你萬 拍你一千空五萬
