2020年1月29日 星期三

十二生相歌(含錄音檔)

一鼠賊仔名 二牛駛犁兄
三虎山崎 四兔遊京城
五龍皇帝命 六蛇予人驚
七馬跑兵營 八羊食草嶺
九猴樹頭 十雞啼三聲
十一狗吠火車 十二豬是菜刀命
亂碼部分請參考本圖

貧惰仙(含錄音檔)

貧惰仙 貧惰仙
身軀無洗全全鉎
走去溪仔邊洗三遍
毒死湖仔魚幾若圈

ABC狗咬豬(含錄音檔)

ABC狗咬豬

阿公仔坐飛機

跋一下冷吱吱

叫醫生來共醫

醫一下跤骨大細肢

一兩三四(含錄音檔)

一兩三四
驚著無代誌
土地公來保庇
保庇你細漢好育飼
保庇你大漢會順序

排骨仔隊(含錄音檔)

阮就是排骨仔隊
恁嘛是排骨仔隊
胸坎若樓梯
腹肚若水櫃
雙肢手金光槌
雙肢跤草蜢腿
人人叫阮是排骨仔隊

大箍呆(含錄音檔)

大箍呆
炒韭菜
燒燒一碗來
冷冷阮無愛

秀才騎馬浪浪來(含錄音檔)

秀才秀才騎馬浪浪來
佇馬頂跋落來
跋一下真厲害
喙齒疼 糊下頦
目睭疼 糊目眉
腹肚疼 糊肚臍
嘿 真厲害

火金蛄(含錄音檔)

火金蛄 來食茶

茶燒燒 食弓蕉

弓蕉冷冷 食龍眼

龍眼無肉 食雞肉

雞肉油油 食豆油

豆油鹹鹹 食李仔鹹

李仔鹹酸酸 食尻川

尻川臭臭 食一下死翹翹

羞羞羞(含錄音檔)

羞羞羞羞羞
捾籃仔抾鰗鰡
羞羞羞羞羞
捾籃仔抾鰗鰡
攏總抾幾尾
哎喲 攏總抾兩尾
一尾煮來食
一尾糊目睭
羞羞羞羞羞

搖嬰仔歌(含錄音檔)

嬰仔嚶嚶睏
一暝大一寸
嬰仔嚶嚶惜
一暝大一尺
搖囝日落山
抱囝金金看
你是我心肝
驚你受風寒

白翎鷥(含錄音檔)

白翎鷥 車畚箕
車到溪仔墘
跋一倒 抾著兩仙錢
一仙買餅送大姨
一仙儉起來好過年

天烏烏(含錄音檔)

天烏烏 欲落雨
阿公仔夯鋤頭欲掘芋
掘啊掘 掘啊掘 掘著一尾旋鰡鼓
咿呀嘿哆真正趣味
阿公仔欲煮鹹 阿媽欲煮汫
兩个相拍挵破鼎 挵破鼎
咿呀嘿哆真正趣味
阿公仔欲煮鹹 阿媽欲煮汫
阿公仔欲煮鹹 阿媽欲煮汫
兩个相拍挵破鼎 挵破鼎
咿呀嘿哆 挵當叱當唱
哇哈哈 哇哈哈

丟丟銅仔(含錄音檔)

火車行到咿哆
啊嘛咿哆丟
哎喲磅空內
磅空的水咿哆
丟丟銅仔咿哆
啊嘛咿哆 丟啊咿哆
滴落來

打馬膠(含錄音檔)

打馬膠
黏著跤
叫阿爸
買豬跤
豬跤箍仔𤉙爛爛
枵鬼囡仔流喙瀾